Banner

ښکار: اسد دانش ساپی

08.06.2010 20:05

زه اوس هيلۍ نه ولم
پس له دې ښکار ته نه ځم
بس دی مرغۍ نه ولم
اوس چې اسمان هم وريځ وي
اوس چې د ښکار ورځې وي
زه په بړستن کې پټ شم
لکه ماشوم دغسې
د مور لمن کې پټ شم
بره اسمان نه ګورم
هسې نه بيا مې پر زړه
د مرغو ښکار وګرځي
ټوپک راواخلم لاړ شم
خپلو يارانو سره
له اشنايانو سره
يو څو هيلۍ وولم
ښکلې مرغۍ وولم
نور دا آزار نه اخلم
نه داسې نه کوم نور
ځکه هيلۍ چې ولم
نو ته يادېږې راته
تا چې قسم راکړی
قسم ياديږي راته
نه، داسې کله کوم
نه، داسې نه کوم نور
ځکه چې تا سره قسم پالمه
دا ستا يادونه او ستا غم پالمه
خېر دی که تا کې وفا نشته
جانانه زه دې په يادونو ژوند کومه.

يکشنبه_ 2009-04-12


 

عبدالنافع همت 01.08.2010 08:21

دانش لالا جوړ په خير<br />دانش لالا به هر څوک پېژني خو زما يو ښه انډيوال دی، هغه يوه سندره ده چې ماما دی... خو له دې ټولو سره سره دده په شاعرۍ نه وم خبر<br />ياره که رښتيا ووايم نو دا شعر مې دي ډېر خوښ سو، بيخي ډېر، ځکه چې هيلۍ او د هيليو ښکار زما د ژوند له يوې خاطرې سره سر خوري، خو ماته يوه پوښتنه پيدا سوه هغه دا چې دانش لالا څنګه چل دی، نور د هيليو ښکار نه کوې او که يې نه سې کولای؟ کله چې د اوبو ډنډونه وي، هيلۍ وي، ټوپک وي، په ټوپک کي ګولۍ وي او په تېره بيا ځواني وي نو د کلو کلو ښکاري به ولي ښکار نه کوي؟ زما خو دا توبه دومره په اسانۍ زړه ته نه لوېږې، دا يوه داسي پوښتنه ده چې سم ځواب غواړي<br />

karim ullah mashkor 06.07.2010 14:19

ګرانه سلام داسی څوک به نه وی چی دانش نه پیژنی ځکه ده چی کوم کار پښتو ته کوی بل ښاعلی به نه کړی وی او نه به یی وکړی ده دډیرو محصلینو شتونزی حل کړیدی دده له براکته اوس ډیر دمطالعی مینه وال کولی شی دخپلی خوښی کتاب دخوست په کتابخانو کی پیداکولی شی <br />اورابه شو شعر ته شعر یی اوس هم له ښه دی <br />کریم الله مشکور خوست <br />پرویز ساپی صاحب زما ایمیل ادرس هم درسره ولیکه <br />ساپی صاحب زما دپوهنتون ملګری او همصنفی دی <br />karim.mashkor@yahoo.com

ا حقييق ننګرهار 04.07.2010 20:54

اوه؛٠٠٠٠٠٠ دغسې <br />ډېر پۀ سختۍ سره ستا استعداد رابرسېره شو

بختيار ساحل 11.06.2010 05:27

سلامونه او نېکې هيلې لالا! <br />واه واه ته خو بايد لس کاله وړاندې شاعر واى ځکه چې تا خو کم خلک شاعران او سندرغاړي نه کړه خو زه ښه دى چې دا څلورم شعر مې دې هم ولوست او رښتيا درته وايم چې او س هم له ...................... نه ډېر زيات ښه شعر دى .

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.